കേരള വ്യാപാരി വ്യവസായി ഏകോപന സമിതി കൗൺസിൽ യോഗവും, ഭാരവാഹികളുടെ തെരഞ്ഞെടുപ്പും സംഘടിപ്പിച്ചു

കേരള വ്യാപാരി വ്യവസായി ഏകോപനസമിതി പുതിയതെരു മേഖല കൗൺസിൽ യോഗവും, ഭാരവാഹികളുടെ തെരഞ്ഞെടുപ്പും പുതിയതെരു ഹോട്ടൽ മാഗ്നറ്റിൽ വച്ച് നടന്നു.

മേഖല രക്ഷാധികാരി ടി.പി ഗോപിനാഥിന്റെ അധ്യക്ഷതയിൽ നടന്ന പരിപാടി ജില്ലാ പ്രസിഡൻ്റ് ശ്രീ ദേവസ്യ മേച്ചേരി ഉദ്ഘാടനം ചെയ്തു. ജില്ലാ ജനറൽ സെക്രട്ടറി പുനത്തിൽ ബാഷിത് മുഖ്യ പ്രഭാഷണം നടത്തി.

2000 രൂപയ്ക്ക് മുകളിലുള്ള യു.പി.ഐ ഇടപാടുകൾക്ക് എം.ഡി.ആർ ഈടാക്കാനുള്ള കേന്ദ്ര സർക്കാർ തീരുമാനത്തിൽ ശക്തമായ ആശങ്കയും, പ്രതിഷേധവും രേഖപ്പെടുത്തുന്ന പ്രമേയം മേഖല സെക്രട്ടറി രാജീവ് മാണിക്കോത്ത് അവതരിപ്പിച്ചു.

പുതിയ ഭാരവാഹികളായി അബ്ദുൽ മനാഫ് പി.എം (പ്രസിഡണ്ട്), ജാഫർ സാദിഖ് (ജനറൽ സെക്രട്ടറി), സതീശൻ പി (ട്രഷറർ) എന്നിവരെ തെരഞ്ഞെടുത്തു.ജില്ലാ ട്രഷറർ എം.പി തിലകൻ, രാജൻ തിയ്യറത്ത്, ജാഫർ സാദിഖ്, അബ്ദുൽ മനാഫ് പി.എം, സതീശൻ.പി എന്നിവർ സംസാരിച്ചു.