സിപിഐ എം വിപുലീകൃത സംസ്ഥാന കമ്മിറ്റിയെ തുടർന്നുള്ള വിപുലീകൃത ജില്ലാ കമ്മിറ്റി യോഗം 18,19 തീയ്യതികളിൽ കണ്ണൂരിൽ; സങ്കടക സമിതി രൂപീകരിച്ചു

കണ്ണൂർ : സിപിഐ എം വിപുലീകൃത സംസ്ഥാന കമ്മിറ്റിയെ തുടർന്നുള്ള വിപുലീകൃത ജില്ലാ കമ്മിറ്റി യോഗം 18നും 19നും കണ്ണൂരിൽ നടക്കും. എ കെ ജി ഹാളിൽ നടക്കുന്ന കമ്മിറ്റിയിൽ ജില്ലാ കമ്മിറ്റിയംഗങ്ങളും ഏരിയാ സെക്രട്ടറിമാരും വിവിധ വർഗ ബഹുജന സംഘടനാ ഭാരവാഹികളും അടക്കം 154 പേർ പ്രതിനിധികളാകും.

കമ്മിറ്റിയുടെ ഭാഗമായുള്ള ലക്ഷം പേർ അണിനിരക്കുന്ന മഹാറാലി 25ന്‌ വൈകിട്ട്‌ അഞ്ചിന്‌ കണ്ണൂർ കലക്ടറേറ്റ്‌ മൈതാനിയിൽ നടക്കും. നഗരത്തിൽ ദസറ ആഘോഷം നടക്കുന്നതിനാലാണ്‌ റാലി 25ലേക്ക്‌ മാറ്റിയത്‌. ജില്ലാ കമ്മിറ്റിയോഗം വിജയിപ്പിക്കാൻ വിപുലമായ സംഘാടക സമിതി രൂപീകരിച്ചു. എ കെ ജി ഹാളിൽ കേന്ദ്രകമ്മിറ്റിയംഗം ഇ പി ജയരാജൻ ഉദ്‌ഘാടനം ചെയ്‌തു. ജില്ലാസെക്രട്ടറി കെ കെ രാഗേഷ്‌ അധ്യക്ഷനായി. ജില്ലാസെക്രട്ടറിയറ്റംഗം പി വി ഗോപിനാഥ്‌ സംഘാടകസമിതി പാനൽ അവതരിപ്പിച്ചു. സംസ്ഥാന കമ്മിറ്റിയംഗം എം പ്രകാശൻ സ്വാഗതം പറഞ്ഞു. സംസ്ഥാന കമ്മിറ്റിയംഗങ്ങളായ എൻ ചന്ദ്രൻ, വത്സൻ പനോളി, പി ശശി എന്നിവർ സന്നിഹിതരായി. 105 അംഗ സംഘാടക സമിതി എക്‌സിക്യൂട്ടീവാണ്‌ പ്രവർത്തനങ്ങൾ നിയന്ത്രിക്കുക.

ഭാരവാഹികൾ: കെ കെ രാഗേഷ്‌ (ചെയർമാൻ), എം പ്രകാശൻ (ജനറൽ കൺവീനർ). സബ്‌കമ്മിറ്റി ഭാരവാഹികൾ: പ്രചാരണം– കെ വി സുമേഷ്‌ എംഎൽഎ (ചെയർമാൻ), എം ഷാജർ (കൺവീനർ), ഒ കെ വിനീഷ്‌ (ജോ. കൺവീനർ), ഭക്ഷണം– ടി വി രാജേഷ്‌ (ചെയർമാൻ), കെ പി സുധാകരൻ (കൺവീനർ), പോത്തോടി സജീവൻ (ജോ. കൺവീനർ), സ്വീകരണം, താമസം– എൻ സുകന്യ (ചെയർമാൻ), പി കെ ശബരീഷ്‌ കുമാർ (കൺവീനർ), പി രമേഷ്‌ ബാബു (ജോ. കൺവീനർ), സ്‌റ്റേജ്‌, ഡക്കറേഷൻ: എൻ ചന്ദ്രൻ (ചെയർമാൻ), മുഹമ്മദ്‌ അഫ്‌സൽ (കൺവീനർ), പി പ്രശാന്തൻ (ജോ. കൺവീനർ).