മയ്യിൽ: 'പല മതക്കാരും പല ജാതിക്കാരും പല നിറക്കാരും പല തരക്കാരും പല ദേശക്കാരും പലഭാഷക്കാരും പലരുമെങ്കിലും മനുഷ്യരാണ് നാം'. പാഠഭാഗം പഠിച്ചുതീർന്നപ്പോഴേക്കും കുഞ്ഞുമനസ്സുകളിലൊരു ആശയമുദിച്ചു. എല്ലാവരെയും ചേർത്തുനിർത്തണം. ആലോചനകൾ ഇഫ്താർ വിരുന്നിലെത്തിനിന്നു. പിടിഎയും അധ്യാപരും കൂടെനിന്നപ്പോൾ കലക്കനൊരു ഇഫ്താർ വിരുന്നൊരുങ്ങി. കയരളം നോർത്ത് എഎൽപി സ്കൂളാണ് ഇഫ്താർ വിരുന്ന് ഒരുക്കിയത്. മയ്യിൽ പഞ്ചായത്ത് പ്രസിഡന്റ് സി. സി. വിനോദ് കുമാർ ഉദ്ഘാടനം ചെയ്തു. ഇ നിഷ്കൃത അധ്യക്ഷയായി. സുഹൈൽ അഫ്സനി ഹാറൂനി ഇഫ്താർ സന്ദേശം നൽകി. പഞ്ചായത്തംഗം ജിനീഷ് ചാപ്പാടി, രവി മാണിക്കോത്ത്, കെ ശ്രീലേഖഎം പി എ റഹീം, സി കുഞ്ഞിരാമൻ, കെ സന്തോഷ്, എ. ഒ. ജീജ എന്നിവർ സംസാരിച്ചു.
Post a Comment