സ്വപ്നം ഫൗണ്ടേഷൻ കലാസരണി സംഘടിപ്പിച്ചു

സ്വപ്നം ആർട്ടിസ്റ്റ്സ് വെൽഫെയർ ഫൗണ്ടേഷൻ സംഘടിപ്പിച്ച  കലാകാര കൂട്ടായ്മയായ  "കലാസരണി " കണ്ണൂർ കോർപ്പറേഷൻ മേയർ അഡ്വ. ടി.ഒ.മോഹനൻ ഉദ്ഘാടനം ചെയ്യുന്നു

കലാകാരന്മാരുടെ ജീവിതസായാഹ്നം ദുരിതപൂർണ്ണമാകുന്നത് സാമൂഹ്യപ്രശ്നം; മേയർ അഡ്വ.ടി.ഒ.മോഹനൻ

കണ്ണൂർ: സമൂഹത്തിന്റെ നന്മകൾക്ക് വേണ്ടി ജീവിതം ഉഴിഞ്ഞുവെക്കുന്ന കലാകാരന്മാരുടെ ജീവിതസായാഹ്നം ദുരിതപൂർണ്ണമാകുന്ന അവസ്ഥ വലിയ സാമൂഹ്യപ്രശ്നമാണെന്ന് കണ്ണൂർ കോർപ്പറേഷൻ മേയർ അഡ്വ. ടി.ഒ.മോഹനൻ. സ്വപ്നം ആർട്ടിസ്റ്റ്സ് വെൽഫെയർ ഫൗണ്ടേഷൻ സംഘടിപ്പിച്ച  കലാകാര കൂട്ടായ്മ "കലാസരണി " ഉദ്ഘാടനം ചെയ്യുകയായിരുന്നു അദ്ദേഹം. ഫൗണ്ടേഷൻ ചെയർമാൻ രാജേഷ് പാലങ്ങാട്ട് അധ്യക്ഷത വഹിച്ചു. ക്ഷേത്രകലാ അക്കാദമി ചെയർമാൻ ഡോ. കാഞ്ഞങ്ങാട് രാമചന്ദ്രൻ മുഖ്യാതിഥിയായിരുന്നു. ഫൗണ്ടേഷൻ ചീഫ് എക്സി. ഓഫീസർ ജി.വിശാഖൻ, ട്രഷറർ കെ.എൻ. രാധാകൃഷ്ണൻ, കെ.പി.ജയബാലൻ, എച്ച്. വിൽഫ്രഡ് , സിനിമാ സംവിധായകൻ ജിമ്മി കിടങ്ങറ, കെ.സദാനന്ദൻ നായർ , ഹരിദാസ് ചെറുകുന്ന്, ബിന്ദു സജിത് കുമാർ, കൃഷ്ണകുമാർ മങ്കൊമ്പ്, ടി.കെ. സരസമ്മ , സുനീഷ് അരങ്ങേത്ത് എന്നിവർ പ്രസംഗിച്ചു. തുടർന്ന് ഇന്ത്യയിലും വിദേശത്തും കലാവതരണം നടത്തുന്നതിന് കലാകാരന്മാരെ തിരഞ്ഞെടുക്കുന്നതിനുള്ള ഒന്നാം ഘട്ട അഭിമുഖവും നടന്നു.