കണ്ണൂർ: ഡിഗ്രി മൂന്നാം വർഷ വിദ്യാർഥികളുടെ ആറാം സെമസ്റ്റർ പരീക്ഷകൾ നടത്തി ഫലപ്രഖ്യാപനം ഉടൻ നടത്തണമെന്ന് പാരലൽ കോളേജ് അസോസിയേഷൻ കണ്ണൂർ, കാസർഗോഡ്,വയനാട് ജില്ലാ നേതൃയോഗം ആവശ്യപ്പെട്ടു. മൂന്നാം വർഷ വിദ്യാർഥികളുടെ 3, 4, 5 സെമസ്റ്റർ പരീക്ഷകൾ കഴിഞ്ഞ് മാസങ്ങളായിട്ടും ഫലപ്രഖ്യാപനം നടത്താത്ത യൂണിവേഴ്സിറ്റി നടപടിയിൽ വിദ്യാർഥികൾ കടുത്ത ആശങ്കയിലാണ്.
ഇത് വിദ്യാർഥികളുടെ ഉപരി പഠന സാധ്യത കളെ പ്രതികൂലമായി ബാധിക്കും. രണ്ടാം വർഷ വിദ്യാർഥികളുടെ മൂന്നും, നാലും സെമസ്റ്റർ പരീക്ഷകൾ ഇനിയും നടന്നിട്ടില്ല. ഈ വിഷയങ്ങൾ മുൻ നിർത്തി പരീക്ഷാ കൺട്രോളർ ബി. മുഹമ്മദ് ഇസ്മയിൽ , ഡയറക്ടർ കെ അബ്ദുൾ മജീദ് എന്നിവരുമായി അസോസിയേഷൻ ഭാരവാഹികളായ കെ എൻ രാധാകൃഷ്ണൻ, പി ലക്ഷ്മണൻ, കെ വി ബാബു ഹരിദാസ് എന്നിവർ ചർച്ച നടത്തി.
 |
| പരീക്ഷകൾ സമയബന്ധിതമായി നടത്തുവാനുള്ള നിവേദനം പാരലൽ കോളേജ് അസോസിയേഷൻ പ്രസിഡണ്ട് കെ എൻ രാധാകൃഷ്ണൻ പരീക്ഷാ കൺട്രോളർ ബി മുഹമ്മദ് ഇസ്മയിലിനു നൽകുന്നു |
Post a Comment