കണ്ണാടിപറമ്പ്: രാജ്യത്തിന്റെ റിപ്പബ്ലിക് ദിനത്തോടനുബന്ധിച്ച് ദാറുൽ ഹസനാത്ത് ഇസ്ലാമിക് കോളേജിൽ ആഘോഷ പരിപാടികൾ സംഘടിപ്പിച്ചു. കോളേജ് പരിസരത്ത് ദേശീയ പതാക ഉയർത്തിയതോടെയാണ് പരിപാടികൾക്ക് തുടക്കം കുറിച്ചത്. ഭരണസമിതി അംഗങ്ങൾ, വിദ്യാർത്ഥികൾ, അധ്യാപകർ എന്നിവരുടെ സാന്നിധ്യത്തിൽ ചടങ്ങുകൾ നടന്നു. ദേശീയ പതാക ഉയർത്തിയതിനെ തുടർന്ന് നടത്തിയ അഭിവാദ്യ പ്രസംഗങ്ങളിൽ, ഇന്ത്യൻ ഭരണഘടനയുടെ അടിസ്ഥാന മൂല്യങ്ങളായ സ്വാതന്ത്ര്യം, സമത്വം, നീതി, സഹോദരത്വം എന്നിവയുടെ പ്രാധാന്യം പ്രഭാഷകർ വിശദീകരിച്ചു.
യുവതലമുറയിൽ രാജ്യസ്നേഹവും പൗരബോധവും വളർത്തുന്നതിൽ ഇത്തരം പരിപാടികൾ നിർണായക പങ്ക് വഹിക്കുന്നതായും അവർ അഭിപ്രായപ്പെട്ടു. പരിപാടിയിൽ സയ്യിദ് അലി ഹാശിം ബാ അലവി തങ്ങൾ, ഹസനാത്ത് ജനറൽ സെക്രട്ടറി കെ.എൻ.മുസ്തഫ, വർക്കിംഗ് സെക്രട്ടറി കെ. പി. അബൂബക്കർ ഹാജി, കോളേജ് ചെയർമാൻ ഖാലിദ് ഹാജി, വൈസ് പ്രിൻസിപ്പൽ അനസ് ഹുദവി, ഉമറുൽ ഫാറൂഖ് ഹുദവി, ഉനൈസ് ഹുദവി, ഡോ.ഇസ്മായീൽ ഹുദവി, അർഷാദ് നുഞ്ഞേരി എന്നിവർ സന്നിഹിതരായിരുന്നു.
Post a Comment