മതപണ്ഡിതനും പ്രഭാഷകനുമായ മാണിയൂരിന്റെ ഉസ്താദിന് നാടിന്റെ യാത്രാമൊഴി

മയ്യില്‍: മതപണ്ഡിതനും  പ്രഭാഷകനുമായ മാണിയൂരിന്റെ ഉസ്താദിന് അന്ത്യോപചാരമര്‍പ്പിക്കാന്‍ നാടിന്റെ വിവിധ ഭാഗങ്ങളില്‍ നിന്ന് ആയിരങ്ങളെത്തി. പ്രസംഗ കലയിലെ വൈവിധ്യം, പെരുമാറ്റം എന്നിവയിലൂടെ വേറിട്ട് വ്യക്തിത്വമായിരുന്നു അഹ്മദ് മുസ്ല്യാര്‍.  ജാതി - മത ഭേദങ്ങള്‍ക്കപ്പുറം വലിയ സുഹൃദ് ബന്ധത്തിനുടമയായിരുന്നു. സാന്ത്വനത്തിനായി പുറത്തീല്‍ ശൈഖ് കുടുംബാംഗമായ അഹ്മദ് മൗലവി അല്‍ഖാസിമിയെ തേടി സംസ്ഥാനത്തിനകത്തും പുറത്തും നിന്നും നിരവധി പേരാണ് മാണിയൂരെത്തിയിരുന്നത്. ഇതോടയാണ് മാണിയൂര്‍ ഉസ്താദെന്ന പേരില്‍ ഇദ്ധേഹം അറിയപ്പെട്ടിരുന്നത്.  നിരവധി മതസ്ഥാപനങ്ങളുടെ രക്ഷാധികാരിയും ഭാരവാഹിയുമായി പ്രവര്‍ത്തിച്ചു വരികയായിരുന്നു. വിവിധ രാഷ്ട്രീയ- മത സാമൂഹ്യ- സംഘടനാ നേതാക്കളുമായി  ഇദ്ധേഹം വലിയ അടുപ്പം കാത്തു സൂക്ഷിച്ചിരുന്നു.  മത സൗഹാര്‍ദ്ധവുമായി ബന്ധപ്പെട്ട് നടത്തിയിരുന്ന ചടങ്ങുകളിലെല്ലാം മുന്‍ നിര സാന്നിധ്യമാണ് നാടിന് നഷ്ടമായത്.  നിരവധി പുരസ്‌കാരങ്ങളും ഉസ്താദിന് ലഭിച്ചിട്ടുണ്ട്. വാര്‍ധക്യ സഹജമായ അസുഖമുണ്ടായപ്പോഴും  തന്നെ കാണാനെത്തുന്നവരെ  സന്തോഷത്തിനും സുഖത്തിനുമായി  അവസാന നിമിഷം വരെ പ്രവര്‍ത്തിച്ചാണ് ഉസ്താദ് വിടവാങ്ങിയത്.
പുറത്തീല്‍ പുതിയകത്ത് ശൈഖ് കുടുംബാംഗമാണ്. സമസ്ത ജില്ലാ സെക്രട്ടറി,  തൃക്കരിപ്പൂര്‍ മുനവിറുല്‍ ഇസ്ലാം  അറബിക് കോളജ് പ്രിന്‍സിപ്പല്‍ എന്നീ നിലകളില്‍ പ്രവര്‍ത്തിച്ചിരുന്നു. മാണിയൂര്‍
ചെറുവത്തല മഹല്ല് രക്ഷാധികാരി,  പാപ്പിനിശ്ശേരി ജാമിഅ അസ് അദിയ്യ വൈസ് പ്രസിഡന്റ്, മാണിയൂര്‍ ശിഹാബ് തങ്ങള്‍ എജുക്കേഷന്‍ അക്കാദമി പ്രസിഡന്റ്, പാറാല്‍ ബുസ്ഥാനുല്‍ ഉലൂം അറബിക് കോളജ് പ്രസിഡന്റ്  എന്നീ നിലകലില്‍ പ്രവര്‍ത്തിച്ചു വരികയായിരുന്നു.
പിതാവ്.സൂഫി വര്യന്‍ പരേതനായ അബ്ദുള്ള മൗലവി. 

മാതാവ്:  പരേതയായ പുറത്തീല്‍ പുതിയകത്ത് ഹലീമ.  

ഭാര്യ: ആയിഷ.
മക്കള്‍: സി.പി.അഹമ്മദ് ബഷീര്‍ ഫൈസി, ബുഷ്‌റ, റഫീഖ് ഫൈസി, അലീമ, റൈഹാന, ഹന്നാത്ത്,അബ്ദുള്ള ഫൈസി, റബ്ബാനി, ഫാത്തിമ.
മരുമക്കള്‍: റഫീഖ് ഫൈസി ഇര്‍ഫാനി, മുനീര്‍ ഫൈസി ഇര്‍ഫാനി,  ഖമറുദ്ധീന്‍ ഫൈസി,  ഫാരിസ് ഫൈസി, നൂറുദ്ധീന്‍ ഹുദവി, സുഹൈമ,സറീന,  ഷഫീഫ, വഫിയ്യ. സഹോദരങ്ങള്‍:  അബ്ദുള്‍ റഹ്മാന്‍ ഫൈസി, അബ്ദുള്ള ഫാഖവി, ഫാത്തിമ, ഖദീജ,  പരേതരായ അബ്ദുള്‍ ഖാദര്‍ അല്‍ഖാസിമി,  ആയിഷ.