സാന്ദീപനി ധർമ്മ പഠന വിദ്യാലയത്തിൽ നവരാത്രി ആഘോഷങ്ങൾക്ക് തുടക്കം കുറിച്ചു

ചേലേരി ചന്ദ്രോത്ത് കണ്ടി മടപ്പുര, സാന്ദീപനി ധർമ്മ പഠന വിദ്യാലയത്തിൽ നടക്കുന്ന നവരാത്രി ആഘോഷത്തിൽ കെ.എൻ രാധാകൃഷ്ണൻ മാസ്റ്റർ പ്രഭാഷണം നടത്തുന്നു.

ചേലേരി: ചേലേരി ചന്ദ്രോത്ത് കണ്ടി മടപ്പുര സാന്ദീപനി ധർമ്മ പഠന വിദ്യാലയത്തിൽ നവരാത്രി ആഘോഷങ്ങൾക്ക് തുടക്കം കുറിച്ചു. പ്രത്യേകം തയ്യാറാക്കിയ സരസ്വതി മണ്ഡപത്തിൽ ഗ്രന്ഥപൂജയും, വിദ്യാഗോപാല മന്ത്രാർച്ചനയും നടന്നു. മഹാനവമി ദിനത്തിൽ നടന്ന പരിപാടിയിൽ നവദുർഗ്ഗാ സങ്കല്പത്തെക്കുറിച്ച് കെ.എൻ രാധാകൃഷ്ണൻ മാസ്റ്റർ പ്രഭാഷണം നടത്തി. ചെയർമാൻ പി കെ കുട്ടികൃഷ്ണൻ അധ്യക്ഷത വഹിച്ചു. വിജയദശമി ദിനത്തിൽ രാവിലെ വിദ്യാരംഭവും കെ വി മനോജ് മാഷുടെ പ്രഭാഷണവും നടക്കുന്നതാണ്.