ഭാഗവതം മരണത്തെ കീഴടക്കുന്ന മഹാശാസ്ത്രം; കെ എൻ രാധാകൃഷ്ണൻ മാസ്റ്റർ,നാറാത്ത്

എളയാവൂർ ക്ഷേത്ര കാര്യ നിർവഹണ കമ്മിറ്റിയുടെ സത്സംഗത്തിൽ ശ്രീമദ് ഭാഗവത ദർശനത്തെക്കുറിച്ച് കെ എൻ രാധാകൃഷ്ണ മാസ്റ്റർ പ്രഭാഷണം നടത്തുന്നു

എളയാവൂർ: ശ്രീമദ് ഭാഗവതം മരണത്തെ കീഴടക്കുന്ന മഹാശാസ്ത്രമാണെന്നും, മനസ്സിനെയും, ബുദ്ധിയെയും ധന്യമാക്കി സാഫല്യം അണക്കുന്നതുമാണെന്നും, ഒരു പരീക്ഷിത്തിനു മാത്രമല്ല ആരെല്ലാം ഈ ഗ്രന്ഥം വായിച്ചു പഠിച്ച് മനനം ചെയ്തു സാക്ഷാത്കരിക്കാൻ ശ്രമിക്കുന്നുവോ അവർക്കെല്ലാം അമരത്വം നേടാൻ ഉതകുന്ന മഹാ ഗ്രന്ഥമാണെന്നും പ്രഭാഷകനും എഴുത്തുകാരനുമായ കെ എൻ രാധാകൃഷ്ണൻ മാസ്റ്റർ അഭിപ്രായപ്പെട്ടു. എളയാവൂർ ക്ഷേത്രകാര്യ നിർവഹണ കമ്മിറ്റി സംഘടിപ്പിച്ച സത് സംഗത്തിൽ സംസാരിക്കുകയായിരുന്നു അദ്ദേഹം. ഭക്തിയും ജ്ഞാനവും വൈരാഗ്യവും ജനിപ്പിക്കുന്ന ഭാഗവതം സംഘർഷം നിറഞ്ഞ ആധുനിക ജീവിതത്തിൽ നമുക്ക് ശാന്തിയും സമാധാനവും കൈവരുത്തുന്നു എന്നും, ഭാഗവതം സമ്പൂർണ്ണ ജീവിത ദർശന ഗ്രന്ഥം കൂടിയാണ്. ഭാഗവത സന്ദേശം എല്ലാവരിലും എത്തിക്കേണ്ടത് കാലഘട്ടത്തിൻ്റെ ആവശ്യം കൂടിയാണെന്നും കെ.എൻ രാധാകൃഷ്ണൻ പറഞ്ഞു. ക്ഷേത്ര കാര്യ നിർവ്വഹണ കമ്മിറ്റി പ്രസിഡണ്ട് വി വി മോഹനൻ അധ്യക്ഷത വഹിച്ചു. സെക്രട്ടറി എം വത്സലൻ സ്വാഗതവും, സി രാമകൃഷ്ണൻ നന്ദിയും പറഞ്ഞു.