കുറ്റ്യാട്ടൂർ : പഴശ്ശി എ എൽ പി സ്കൂളിൽ 2024-25 അധ്യയന വർഷത്തെ പ്രവേശനോത്സവം കുറ്റ്യാട്ടൂർ ഗ്രാമ പഞ്ചായത്ത് മെമ്പർ യൂസഫ് പാലക്കൽ ഉദ്ഘാടനം ചെയ്തു. പി ടി എ പ്രസിഡണ്ട് ഹാരിസ് കെ അധ്യക്ഷത വഹിച്ചു. ചടങ്ങിൽ എൽ എസ് എസ് ജേതാക്കളായ നിയ സജേഷ്, യദുകൃഷ്ണ ടി എൻ എന്നിവരെ അനുമോദിച്ചു.
കുട്ടികൾക്കുള്ള സമ്മാന കിറ്റുകളും ക്യാഷ് പ്രൈസുകളും മാനേജർ കമാൽ ഹാജി വിതരണം ചെയ്തു. മദർ പി ടി എ വൈസ് പ്രസിഡണ്ട് ശ്രീമതി വിനിഷ ടി ആശംസ അർപ്പിച്ച് സംസാരിച്ചു. ഹെഡ്മിസ്ട്രസ് രേണുക കെ പി സ്വാഗതവും സ്റ്റാഫ് സെക്രട്ടറി ജുമാന കെ നന്ദിയും പറഞ്ഞു. രക്ഷിതാക്കൾക്കുള്ള ബോധവൽക്കരണ ക്ളാസ് ഗീതാബായ് ടീച്ചർ നയിച്ചു. തുടർന്ന് പായസ വിതരണം നടന്നു.
Post a Comment