പഞ്ചായത്ത് റോഡിൽ മരം വീണ് വഴി തടസ്സപെട്ടിട്ട് രണ്ടു ദിവസമായിട്ടും ആർക്കും കൂസലില്ല

കാരായാപ്പ്: കഴിഞ്ഞ ചൊവ്വഴ്ച (9.1.24) വൈകുന്നേരത്തെ കാറ്റിലാണ് കെ.പി. ആയിഷയുടെ വീട്ടുപറമ്പിൽ നിന്നും മരം പൊട്ടി കൊളച്ചേരി പഞ്ചായത്ത് പന്ത്രണ്ടാം വാർഡിലെ ചവിട്ടടിപ്പാറ - കാരായാപ്പ് പയങ്കുളം റോഡിനും സമീപത്തുള്ള രാഗേഷ് എന്ന വരുടെ വീട്ടിനു മുകളിലേക്കും വീണിട്ടുള്ളത്. എന്നാൽ വാർഡ് മെമ്പറോ പഞ്ചായത്ത് അധികാരികളോ നിരവധി കുടുംബങ്ങൾ നിത്യവും ഉപയോഗിക്കുന്ന തടസ്സപ്പെട്ട വഴി പുന:സ്ഥാപിക്കുന്നതിനുള്ള നടപടികൾ എടുക്കുകയോ സ്ഥലം സന്ദർശിക്കുകയോ ചെയ്തിട്ടില്ല. അധികൃതരുടെ ഉദാസീനതയിൽ പ്രദേശവാസികൾ കടുത്ത പ്രതിഷേധം രേഖപ്പെടുത്തി.