മയ്യില്: കണ്ണാടിപ്പറമ്പ് കോട്ടാഞ്ചേരി പുതിയ ഭഗവതി ക്ഷേത്രത്തിലെ കളിയാട്ട മഹോത്സവം 20 മുതല് നടക്കും. 20-ന് രാവിലെ ഏഴിന് ക്ഷേത്രം തന്ത്രി പടിഞ്ഞേറ്റാട്ട് ഇല്ലത്ത് വാസുദേവന് നമ്പൂതിരിപ്പാടിന്റെ കാര്മികത്വത്തില് വിശേഷാല് പൂജകള്. വൈകീട്ട് സന്ധ്യാവേല, തോറ്റങ്ങള്. തുടര്ന്ന് അന്നദാനം. രാത്രി എട്ടിന് നൃത്ത നൃത്യങ്ങള്. 21-ന് ഉച്ചക്ക് കാരവെയ്ക്കല്, തുടര്ന്ന് തോറ്റങ്ങള്. വൈകീട്ട് തുളികന് വെള്ളാട്ടം.22-ന് പുലര്ച്ചെ മൂന്നിന് ശാസ്തപ്പന്, ഗുളികന്, ഭൈരവന് എന്നീ തെയ്യങ്ങള്. നാലിന് പുതിയ ഭഗവതി, തുടര്ന്ന് വിഷ്ണു മൂര്ത്തി, ഉച്ചിട്ടമ്മ തെയ്യങ്ങള്. ഉച്ചക്ക് കരിയടിക്കലോടെ കളിയാട്ടം സമാപിക്കും.
Post a Comment