ഭാരതീയനഗർ: കെ എസ് & എ സി യുടെ സുവർണ്ണ ജൂബിലി സാംസ്കാരിക ഉത്സവത്തിന്റെ ഭാഗമായി നാടകക്കളരി സംഘടിപ്പിച്ചു. പ്രശസ്ത നാടക അഭിനേതാവ് ബാലകൃഷ്ണൻ പാപ്പിനിശ്ശേരി ഉദ്ഘാടനം നിർവഹിച്ചു. നാടക സംവിധായകനും ക്യാമ്പ് ഡയറക്ടറുമായ പി കെ വി കൊളച്ചേരി അധ്യക്ഷനായി. നാടക പ്രവർത്തകൻ മനീഷ് സാരംഗി, അഡ്വ. പി. അജയകുമാർ ആശംസ പ്രസംഗം നടത്തി. സുവർണ ജൂബിലി ഓണപ്പൂക്കള മത്സര വിജയികൾക്കുള്ള സമ്മാനം ചടങ്ങിൽ വിതരണം ചെയ്തു. വി.വി.ശ്രീനിവാസൻ സ്വാഗതവും അനഘ പി നന്ദിയും പറഞ്ഞു. നാടക സിനിമ പ്രവർത്തകനായ സുമേഷ് അയിലൂർ (സ്കൂൾ ഓഫ് ഡ്രാമ) ക്യാമ്പിന് നേതൃത്വം നൽകി. നാടകാഭിനയം, സംവിധാനം മറ്റു സാങ്കേതിക മേഖലകൾ ഇവയെയെല്ലാം പരിചയപ്പെടുന്ന തിയേറ്റർ ഗെയിമുകൾ, ഇംപ്രവൈസേഷൻ ഇവ നടന്നു. കുട്ടികൾ ഉൾപ്പെടെയുള്ള 30 ഓളം പേർ പങ്കെടുത്തു. നാടക പ്രവർത്തകരായ ശ്രീധരൻ സംഘമിത്ര, എ. അശോകൻ, പി.പ്രമീള, എം.സുധീർ ബാബു തുടങ്ങിയവർ സംബന്ധിച്ചു. സമാപനയോഗത്തിൽ സി.എച്ച് സജീവൻ, സജീവൻ മൊറാഴ, പി.വി. ഉണ്ണികൃഷ്ണൻ, നിഷിത, വന്ദന, രണദീപ്, ആരോമൽ ലതീഷ് തുടങ്ങിയവർ സംസാരിച്ചു. വിജേഷ് നണിയൂർ നന്ദി പറഞ്ഞു.
Post a Comment