മയ്യില്‍ വാര്‍ത്തകള്‍ തികച്ചും വ്യത്യസ്തമായി നാടിനൊപ്പം,നാട്ടുകാര്‍ക്കൊപ്പം....നിങ്ങളുടെ നാട്ടിലെ വാര്‍ത്തകളും, വിശേഷങ്ങളും ഏതുമാകട്ടെ ഞൊടിയിടല്‍ ലോകത്തിനു മുന്നിലെത്തുന്നു മയ്യില്‍ വാര്‍ത്തകളിലൂടെ.വാര്‍ത്തകള്‍ 9447817915 എന്ന നമ്പറില്‍ അറിയിക്കുമല്ലോ.

പെൻഷൻ പരിഷ്ക്കരണ നടപടി ആരംഭിക്കണം

പെൻഷൻ പരിഷ്ക്കരണ നടപടി ആരംഭിക്കണം

കെ.എസ്.എസ് പി.യു മയ്യിൽ യൂണിറ്റ് ജനറൽ ബോഡി യോഗം ഉദ്ഘാടനം ചെയ്തു കൊണ്ട് ജില്ലാ കമ്മറ്റി മെമ്പർ പ്രൊഫസർ വി.രവീന്ദ്രൻ പ്രസംഗിക്കുന്നു
മയ്യിൽ : 2024 ജൂലൈ ഒന്നു മുതൽ പ്രാബല്യത്തിൽ വരേണ്ട പെൻഷൻ പരിഷ്ക്കരണ നടപടികൾ ഉടനെ ആരംഭിക്കണമെന്ന് കേരള സ്റ്റെയിറ്റ് സർവ്വീസ് പെൻഷനേഴ്സ് യൂണിയൻ (കെ.എസ്.എസ്.പി.യു) മയ്യിൽ യൂണിറ്റ് വാർഷീക ജനറൽ ബോഡി യോഗം സർക്കാരിനോട് ആവശ്യപ്പെട്ടു. 
         മൂന്നു വർഷം മുമ്പത്തെ പെൻഷൻ പരിഷ്ക്കരണ കുടിശ്ശികയും, നാലു ഗഡു ക്ഷാമാശ്വാസവും എത്രയും വേഗം അനുവദിക്കണമെന്നും, സംസ്ഥാനത്തോട് കേന്ദ്രം കാട്ടുന്ന പകയോടെയുള്ള സാമ്പത്തീക ഉപരോധം അവസാനിപ്പിക്കണമെന്നും, പങ്കാളിത്ത പെൻഷൻ പദ്ധതി പിൻവലിക്കണമെന്നും യോഗം മറ്റു പ്രമേയങ്ങളിലൂടെ കേന്ദ്ര സംസ്ഥാന ഗവർമ്മെന്റുകളോട് ആവശ്യപ്പെട്ടു.
കൊളച്ചേരി, മയ്യിൽ, കുറ്റ്യാട്ടൂർ പഞ്ചായത്തുകൾ അധികാര പരിധിയാക്കി ക്കൊണ്ട് മയ്യിൽ ആസ്ഥാനമായി ഒരു സബ്ബ് റജിസ്റ്റാർ ഓഫീസ് അനുവദിക്കുക എന്ന നാലു പതിറ്റാണ്ടിലേറെക്കാലമായുള്ള ആവശ്യം ഉടനെ അംഗീകരിക്കമെന്ന് മറ്റൊരു പ്രമേയത്തിലൂടെ യോഗം ആവശ്യപ്പെട്ടു.
യൂണിറ്റ്പ്രസിഡണ്ട് കൈപ്രത്ത് നാരായണന്റെ അദ്ധ്യക്ഷതയിൽ പെൻഷൻ ഭവനിൽ ചേർന്ന ജനറൽ ബോഡിയോഗം ജില്ലാ കമ്മറ്റി അംഗം പ്രൊ: വി.രവീന്ദ്രൻ ഉദ്ഘാടനം ചെയ്തു. ജില്ലാ സെക്രട്ടറി ഇ. മുകുന്ദൻ, ബ്ലോക്ക് പ്രസിഡണ്ട് കെ.വി.യശോദ, സെക്രട്ടറി സി.പത്മനാഭൻ ,രക്ഷാധികാരി കെ.ബാലകൃഷ്ണൻ , ട്രഷറർ കെ നാരായണൻ, പി.വി. പത്മിനി, കെ. അബ്ദുൾ മജീദ്, പി. സൗമിനി, പി.വി. ശ്രീധരൻ ,സി.വി. ഭാസ്ക്കരൻ എന്നിവർ പ്രസംഗിച്ചു.
 യൂണിറ്റ് സെക്രട്ടറി ഇ.പി.രാജൻ പ്രവർത്തന റിപ്പോർട്ടും ട്രഷറർ എം.പി. പ്രകാശ് കുമാർ വരവ് ചെലവ് കണക്കും ഓഡിറ്റ് റിപ്പോർട്ടും അവതരിപ്പിച്ചു. ജോ: സെക്രട്ടറി പി.കെ.രമണി സ്വാഗതവും, വൈ: പ്രസിഡണ്ട് സി.വി.ഗംഗാധരൻ നന്ദിയും പറഞ്ഞു.
കൈപ്രത്ത് നാരായണൻ (പ്രസി.), സി.വി.ഗംഗാധരൻ, കെ. ഭാസ്ക്കരൻ, പി.വി. പത്മിനി (വൈ:. പ്രസി), എം.പി. പ്രകാശ് കുമാർ (സെക്രട്ടറി), ഒ.എം. മധുസൂദനൻ, കെ.സി. പത്മനാഭൻ, കെ.കെ.ലളിതകുമാരി (ജോ: സെക്രട്ടറി), പി.കെ.രമണി (ട്രഷറർ) എന്നിവരെ പുതിയ ഭാരവാഹികളായി തിരഞ്ഞെടുത്തു. 

0/Post a Comment/Comments

മയ്യിൽ വാർത്തകൾ വാട്സപ്പ്