കണ്ണൂരിൽ പെട്രോൾ പമ്പിലേക്ക് പൊലീസ് ജീപ്പ് ഇടിച്ചു കയറി

കണ്ണൂർ : കണ്ണൂർ കാൾടെക്സ് ജംഗ്ഷനിലുള്ള പെട്രോൾ പമ്പിലേക്ക് പൊലീസ് ജീപ്പ് ഇടിച്ചു കയറി. കണ്ണൂർ എ ആർ ക്യാമ്പിന്റെ ജീപ്പാണ് ജോയിന്റ് പൊട്ടി നിയന്ത്രണം വിട്ട് ഡിവൈഡറും തകർത്ത് കളക്ട്രേറ്റിന് മുന്നിലെ പെട്രോൾ പമ്പിലേക്ക് കയറിയത്. പമ്പിൽ ഇന്ധനം നിറക്കുകയായിരുന്നു കാറിനെ ജീപ്പ് ഇടിച്ചു തെറുപ്പിക്കുകയായിരുന്നു. പമ്പിലെ ഇന്ധനം നിറയ്ക്കുന്ന മെഷീനും തകർന്നിട്ടുണ്ട്. ആളപായമില്ല. അപകടത്തിൽപ്പെട്ട ജീപ്പിന് ഇൻഷുറൻസ് ഉണ്ടായിരുന്നില്ല.