കെ എസ് എസ്പിയു ഐക്യദാർഢ്യ പ്രകടനം നടത്തി

മയ്യിൽ: ജനാധിപത്യ സംരക്ഷണത്തിനായി ദേശീയ തലത്തിൽ നടക്കുന്ന ബഹുജന പ്രക്ഷോഭത്തിന് ഐക്യദാർഢ്യം പ്രഖ്യാപിച്ചു കൊണ്ട് കേരള സ്റ്റേറ്റ് സർവീസ് പെൻഷനേഴ്സ് യൂനിയൻ മയ്യിൽ ബ്ലോക്ക് കമ്മറ്റിയുടെ നേതൃത്വത്തിൽ മയ്യിൽ ടൗണിൽ ഐക്യദാർഢ്യ പ്രകടനം നടത്തി. ബസ് സ്റ്റാൻറിൽ നടത്തിയ ധർണയിൽ ബ്ലോക്ക് പ്രസിഡൻറ് സി കെ ജനാർദ്ദനൻ നമ്പ്യാർ അധ്യക്ഷം വഹിച്ച .മയ്യിൽ പഞ്ചായത്ത് പ്രസിഡൻറ് സി സി വിനോദ് കുമാർ ധർണ സമരം ഉദ്ഘാടനം ചെയ്തു. സംസ്ഥാന സിക്രട്ടറി ഇ.മുകുന്ദൻ, ജില്ലാ കമ്മറ്റി അംഗം കെവി യശോദ ടീച്ചർ, രക്ഷാധികാരി കെ ബാലകൃഷ്ണൻ എന്നിവർ സംസാരിച്ചു. സിക്രട്ടറി സി.പത്മനാഭൻ സ്വാഗതവും പി.പി. അരവിന്ദാക്ഷൻ മാസ്റ്റർ നന്ദിയും പറഞ്ഞു.